الفيس بوك لم يعد موقع لنشر الصور و التعليقات فقط , ولكنه امتد ليشمل تطبيقات و العاب و احداث ,,, الخ والهدف من ده طبعا ان المستخدم يقضي وقت اطول وانه يجذب شريحة اكبر من المستخدمين اللي بيحبوا الالعاب و التسالي ,
بس الحاجة المزعجة هي ان اي حد بيدخل يلعب لعبة معينه مثلا زي المزرعة السعيدة او مدينة الاهرامات و كلها العاب الواحد بيعرفها من شهرتها و صيتها اللي بقي في كل حته , لكني محاولتش مرة حتى اجربها ولا اشوفها ايه هي لاني مش بحب النوع ده من الالعاب , المهم اللي يخليك تنفعل لما تلاقي كل شوية اشعار او (notification) تفتح تشوف ايه هو تلاقي دعوة من صديق للعبة معينه , فلو عندك اصدقائك كتير وبيحبوا الالعاب ممكن كل كام دقيقة يحصل معاك الموضوع ده .طيب هل الفيس بوك سابت الموضوع ده مفتوح كده اي برنامج يبعتلك غصب عنك او اي لعبة ؟ طبعا لا .
ممكن وبكل سهولة تلغي الدعوات من اي برنامج او لعبة , او حتى تمنع شخص معين انه يتفاعل معاك او يشوفك نهائي والخطوات كالتالي :
1- سجل دخول لحسابك على الفيس بوك
2 - هتلاقي سهم فوق على اليمين اعلى الصفحة اضغط عليه هتنزل قائمة اختار منها privacy settings
3- من الصفحة اللي هتظهرلك قصاد Blocked People and Apps واضغط على كلمة Manage Blocking
4- دي اخر خطوة هتلاقي ازاي انك تعمل بلوك لمستخدم معين او برنامج معين او لعبة او دعوات من صديق لاي احداث , كل اللي عليك تكتب الاسم و تختار من القائمة اللي بتظهر في البحث .
